كيف أطبق قانون الإيمان – أهم قانون في القوانين الكونية
معناه باختصار » ما تؤمن به يتجلي في الخارج » لماذا » ليريك الكون اعتقادك الداخلي » لماذا عشان نفهم نفسنا فالكون يخدمك ويريك ما بداخلك عشان تفهم نفسك اكتر وتطور منها لتصل لأفضل نسخة منك وكل ما طورت من نفسك يعيد الكون ترتيب نفسه وفقاً لنظرتك لإن الكون مرن ويسعي دائماً ليثبت إيمانك حسب نظرتك لنفسك وثقتك وحسب نظرتك للحياة وقوتك ستُختَبر في إيمانك مثال : انت شخص مقتنع بضرورة حب الذات وتنادي بأهمية حب الذات سيأتيك اختبار قوي ، هل هتختار انك تيجي علي نفسك زي زمان وتعمل حاجة مش حاببها وهتعملها عشان الناس متزعلش منك؟ ، ولا تختار طريق حب الذات وتختار الشئ الي بتحبه حتي لو هيزعل الناس منك وممكن تخسر ناس بس في الحقيقة هي خسارة وهمية لأن المكسب الحقيقي هو انك تكسب نفسك والناس لما تشوفك ناجح هيفهموا انك اخترت الاختيار الصحيح لو انت مقتنع ان الحياة صعبة ومشقة ،، الكون هينفذ وتتجلي الصعوبة في حياتك ، طيب غيرت الفكرة واقتنعت من جواك ان الحياة سهلة ولعبة وكل ما فهمت قوانين اللعبة هبقي رايق اكتر ، الكون هيتغير ويرتب نفسه وتتجلي المواقف وفرص الشغل والعلاقات الي فيها سهولة ويسر لو انتي مقتنعة ان الرجالة خاينين (حتي لو كل الي ظهر في حياتك خاينين فعلا سواء من الأهل او من الاعلام او من الأصدقاء) لحد ما القناعة اترسخت جواكي ، طبيعي كل ما حد هيتقدملك هتشوفيه خاين ، اه بنسبه كبيرة ممكن يطلع بالفعل خاين وحتي لو مش خاين انتي هتترجمي تصرفاته خيانه لو شوفتي رسالة علي الموبايل او شعره علي لبسه لأن الكون دوره يثبت إيمانك وتحسي مشاعر الخيانة مفيش ايمان صح و غلط ، مفيش فكرة صح او غلط في فكرة كانت مناسبة ليك زمان دلوقتي مش هتخدمك فتتخلي عنها وتقتنع بالفكرة الي تناسبك حاليا وتخدمك ومادام الي هتؤمن وتقتنع بيه هيتجلي يبقي من مصلحتك تؤمن بالإيجابي الي عاوزه يتجلي وتؤمن بنفسك وبقدراتك وتثق فيها تؤمن انك هتعدي التحديات الحالية وتنجح فيها مادام الي انا مؤمن بيه بيتجلي في حياتي ازاي اعرف الافكار الي انا بالفعل آمنت واقتنعت بيها في الماضي فحياتي أصبحت بهذا الشكل من الواقع تعرف معتقداتك ، 1- من الموقف السلبي تقفش الافكار السلبية الي عندك ، 2- تقرر ايه الي انت عاوزه 3- تشوف ايه الفكرة الي اقتنع بيها توصلني للي انا عاوزه دا مثال علي الجانب المادي لما بدأت اكتب الوضع الحالي لقيت انه مش زي ما انا عاوز والدخل الي بيدخلي مش بيكفيني بدأت اشوف ايه الافكار السلبية الي انا مقتنع بيها عن المال لقيت ان هو ربنا عاوز كدا وافضل كدا ، لقيت اني مقتنع ان اهلي هما السبب ، بلدي هي السبب ، لقيت اني لا استحق الغني وان لو ربنا أعطاني رزق كثير هضيعه واكون فاسد ، لقيت ان ربنا بيحب الفقراء وهيحاسبهم أسرع وهيدخلهم الجنة الاول لكن الاغنياء هيطولوا في الحساب وهيتأخروا علي الجنة ، لقيت ان البلد ظروفها كدا وان مفيش بايدي حاجة اعملها مستني ربنا هو الي يحل الاختبار بتاعي.. اخترت اني اكون مرتاح ماديا وفي غني ووفرة ورزق ولقيت ان الافكار الي لما هكون مقتنع بيها جدا بيها هوصل للي انا عاوزه دا كالتالي ، ان انا المسؤول عن الوضع المالي الي انا فيه وربنا عادل الي بيسعي صح بيستحق الغني ولما هبدأ انفق من اي شئ عندي مال صحة معلومات ملابس كل ما هعطي هستحق الأخذ ، اقتنعت ان كل نتيجة حصلت ليها سبب انا عملته فبدأت اعدل واغير الاسباب عشان تتغير النتيجة ، اقتنعت ان كلنا عندنا نفس الادوات زي ما في حد بقي مليونير انا كمان اقدر لان عندنا نفس السوفت وير والخالق واحد بس هو طلع موهبته للنور وانا لسه وهبدأ اركز علي الامتنان وتعلم المعلومات عن صناعة المال وهغير من افكاري عن المال وطريقة ادارتي وانفاقي له قبل الإيمان بفكرة او معتقد طبيعي تسمح لنفسك تمر بمرحلة الشك ومع الوقت والبحث بصدق هتوصل هتوصل قانون الإيمان أهم قانون في القوانين الكونية اسعي ان تفهمه وتستوعبه وتستفيد منه بخلق الأفكار لتتجلي بعد فترة في واقعك ، تفنن واستمتع ببناء قلعتك الفريدة التي ستتباهي بها لاحقاً ، قلعة المشيدة بالأفكار والقناعات الإيجابية الي تخدم تطورك وتطمئنك في لحظات خوفك وتسعدك بالنظر للنعم الحالية وامتنانك لها ، عظم وقدر نفسك واعشقها فمحبوبك بداخلك ومفيش مانع اني اكتشف اني كنت غلط مادام مستمر بالتعلم وكل ما هقع هقف انت الخالق لواقعك ابني عالمك الخاص كما تحب انت حلو وتستحق الأفضل دائماً
