كل ما أكلت بوعي كل ماتحسنت صحتك وزاد معدل نشاطك وحيويتك Laisser un commentaire / صحة و غذاء / Par Networkawareness كل ما أكلت بوعي كل ماتحسنت صحتك وزاد معدل نشاطك وحيويتك سؤال بيسأله ناس كتير في أي نظام غذائي بيتبعوه آكل خبز أبيض ….. ولا أسمر أحب أقولك إن الخبز الأبيض هو نفس سعرات الخبز الأسمر لكن خلي بالك طبعا يُفضل الخبز الأسمر لكن مش موضوع سعرات…الموضوع أهم بكتيييير الموضوع مكوناتهم ايه وده الي هايفرق معاك جدا في نظامك …ركز معايا الخبز الأسمر بيتكون من كاربوهيدرات معقده عكس الأبيض كاربوهيدرات بسيطه طيب وهاتفرق ايه طالما نفس السعرات هاتفرق ان الخبز الأسمر فيه ألياف كتير الي كلها فيتامينات وأملاح معدنيه جسمك محتاجها الألياف دي بتنظملك الهضم وتمنع الإمساك والإسهال الألياف بتمتص نسبه كبيره من المايه الموجوده في المعده وبتسهل عملية الإخراج الألياف بتعمل زي المكنسه للأمعاء الغليظه وبتخلصها من السموم الي بتتكون علي جدرانها وتلصق فيها وتخرجها من الجسم بعملية الإخراج … وخصوصا لو اكلك مش تمام الألياف بتخلص جسمك من الكوليسترول الضار وتظبط السكر في الدم لأن الجسم بيمتصها ويهضمها ببطء الألياف بتحميك من أمراض القلب والسكر والسكتات الدماغيه وسرطان الجهاز الهضمي (عافاكم الله) أما الخبز الأبيض فهو سكر صافي او كارب بسيط بيرفع مستوي السكر في الدم بسرعه ويخليك دايما جعان وعاوز منه اكتر وعندك شراهه كمان للسكريات اكتر وعلشان كده لما بتاكل منه واحده واتنين وخمسه وعشره مش بتشبع بالعكس بتحس انك جعان وعاوز كمان وكمان وكمان بتجوع بعد فتره قصيره جدا من أكله ولا كأنك لسه واكل عشرين واحده حالا صحتك بداية سعادتككوتش/ شيرين احمد
