هى المساحة من الافعال وطريقة الحياة اللى اعتدت عليها واصبحت تمثل منطقة استقرار وامان بغض النظر عن كونها مفيدة ومثمرة ام مضرة ومعيقة ليك العقل اللاواعى هيفضل حريص على تواجدك دايما داخل هذه المنطقة لانه اتبرمج على انها هى الراحة والامان بالنسبة ليك
طيب هل سهل اخرج منها واغيرها لانها مضرة لية؟ فى كل الاحوال هتجد مقاومة لان العقل بيكون بمثابة الحارس عليها .. و على حسب قدرتك وشغفك وعزيمتك على التغير بتحدد صعوبة او سهولة الخروج منها
طيب كيف اخرج بسلام منها لو عندى الرغبة فى هذا ؟ هلخص خطوات ممكن تساعد للخروج الامن
ندرس وضعنا الحالى ونضع تصور للحياة والستايل الجديد اللى عايزين ننتقل له ونحدد بالضبط العوايد او الافعال او المعتقدات اللى هتساعدنا لدخوله
نتخيل وندخل حالة من التعايش مع الحالة الجديدة ونشوف المكتسبات اللى هتعود علينا لما نوصل لها
لو عرفنا نضع حالة من الشغف للوضع الجديد هيكون هذا دافع قوى جدا
نبتدى خطوات عملية وهذه اهم مرحلة لكن بدون ما نبتدي بكل تقلنا او بحماس البدايات الشديد اللى بيجعلنا نهبط ايضا بسرعة ونتعب .. نبتدي بهدوء وخطوة خطوة .. وخطواتنا تكون بسيطة فى البداية حتى لا تكون المقاومة كبيرة .. وايضا لنبرمج عقلنا على المنطقة الجديدة بهدوء من غير ما نربكه او نجعله يرفع اسلحته فى وجهنا
نعطى لكل خطوة حقها ووقتها الى ان تصبح شئ عادى ومتعودة عليه …ثم ننتقل للى بعدها وهكذا
مع كل خطوة هنجد مقاومة مثلما قولت مثل زهق ملل تعب .. الوعى بهذا الشئ فى حد ذاته هيجعلنا لا نتوتر بزيادة .. لانه شئ عادى وعارض طبيعى تعامل معاه بذكاء ولا تشدد على نفسك و مثل ماقولت المهم النية والعزيمة والشغف للجديد
شكرا!