هل الجذب وهم ؟ كيف تفهم خوارزميات الجذب
أكثر أسئله دايما بيسألوني فيها بتكون : إزاي أجذب الوفره او شريك الحياه ؟ إزاي أتخلص من أشخاص سلبيه أو أتخلص من المرض؟ تعالو كده بالعقل نفهم القصه
أي شيء بيظهر في حياتك بيظهر لسببين : الأول بيكون كارما يعني كما تدين تدان, يعني ما تفعله و يؤثر عالاخرين بيرتد لك و ده مش موضوعنا و الثاني إن اللي ببتركز عليه باستمرار و شايفه بوضوح داخلك بيظهر لك حسب درجه وضوحه وده موضوعنا
بمعنى, لو إنت اتولدت في اسره فقيره, فإنت مشفتش الا الفقر و تصرفات الفقر و بالتالي بيظهر لك كل صور الفقر في حياتك أو مثلا متعود تشوف ناس صادقه و بتحب الصدق فمش بيظهر لك الا الصادقين
نرجع للجذب, لما تقول انا عايز اجذب الوفره , غوص كده داخلك و خذ دقيقه و شوف كويس, انت تركيزك على إيه داخلك
شايف الوفره و لا مركز على شبح الفقر و عايز تبعد عنه ؟
معظم اللي عنده رغبه و عوز و تمني و احتياج و سعي للوفره بيكون في الداخل شايف الفقر و عايز يبعد عنه مثال عايز اخلص من الديون عايز ارتاح من الفقر. لذلك كل اللي بيحاول يشغل الجذب بيلاقي نتايج عكسيه ليه؟ لأنه بادئ غلط
و شايف المفقود منه و مركز عليه و بالتالي بيزيد وفقا لقانون التركيز الكوني. قيس على كده جذب شريك الحياه او الإنجاب
نفس الكلام الشيء اللي عايز تتخلص منه زي المستغلين او كرشك او المرض او الصراصير انت مازلت مركز عليه و بالتالي بيزيد
طيب و الحل إيه ؟ الحل إنك تغير تركيزك, شيل كلمه جذب أو عايز أو أرغب أو نِفسي أو محتاج من قاموسك. إطلب بقوه صاحب الشركه او المدير لما يطلب من موظف عنده و لازم ينفذ, ربنا سخر لنا الكون يلبى طلباتنا يعني موظف عندنا
و كل ما نسأله محقق بشرط قوتك و إيمانك لطلبه. عمرك شفت مدير بيقول لموظف انا محتاج أو نفسي أعمل كذا أو ياريت تنفذ طلبي ؟
إتجه نحو ما تريد بقوه و اطلبه كحقك و ليس تسول. قول نويت أكون في وفره من أجل الراحه و الحريه و الاستمتاع و ليس هربا من الفقر
قول نويت و ملتزم ان يكون عندي لياقه بدنيه و جسم رشيق و ليس بعدا عن الكرش
قولي نويت و ملتزمه يكون عندي زوج وفق ما يناسبني و ليس أي زوج و السلام
أجمل مقوله قرأتها في كتاب أسرار عقلية المليونير لتحميل الكتاب إضغط هنا بيقول : من يملكون عقليه الفقر يتمنون او يرغبون ان يصبحو أغنياء
بينما من يملك عقليه الغني ملتزم بأن يكون غنيا
أطلب و أنوي بقوه ثم ألتزم ان تكون ما طلبته بلا تنازل او حلول بديله. إبحث عن كل السبل له و ابذل كل سعيك حتى تصل
الآن بعد قرائتك و استيعابك هل مازلت تريد و ترغب و تحتاج تجذب ؟
نويت أن أعيش في سلام و وفره و سعاده و حريه و ملتزم أن أكون كذلك, طريق واحد و لا أرضى بالفتات و الحلول البديله
إقرأ أيضاً
شروط قانون الجذب الفكري ؟ الطبق الأساسي لقانون الجذب
قانون الجذب الحقيقي : ( تفسير مهم )
فهم قانون الجذب الكونى بإختصار
قانون الجذب والحب – ابراهام هيكس
قانون الجذب الفكري او العدل الالهي
تحميل كتاب قانون الجذب : مايكل جيه لوسيير
كيف أجذب لنفسي أي شيء أركز عليه تفكيري أو انتباهي
تحميل كتاب المال و قانون الجذب إستر هيكس