ايه أهمية شحن طاقتك مع زيادة وعيك ؟ بنشحن طاقتنا باكتر من وسيلة ، وكلهم بيكملوا بعض
النفس العميق
زي ما بنشحن الجسم بالاكل بنشحن نفسنا بالنفس ، اتعلمنا من العلوم المادية ان النفس (الشهيق والزفير) بيفيد الجسم بس لكن مع دخول الطاقة في حياتنا عرفنا ان النفس العميق او النفس الصغير بيأثروا علي طاقتنا وخلايانا لأن كل ما هتاخد نفس كبير تملي بيه بطنك كل ما الأوكسجين هيوصل لكل الخلايا وتتشحن طاقة وتبقي حيوية وتشتغل بكامل قواها ، فلو خلايا معينة طاقتها ضعيفة بعد فترة هتمرض ودا سبب وجذر الأمراض لما الطاقة بتقل فالنفسية بتبقي سلبية فبتفتح الباب للمرض ، عشان كدا مهم نشحن طاقتنا
تمرين جميل اسمه 777 : بتاخد النفس وتعد سبع ثواني وتحتفظ بيه جواك سبع ثواني وتطلعه في سبع ثواني (احتفاظ النفس جواك بيخلي الأوكسجين والطاقة تتخلخل في كل خلايا الجسم ، الي النفس الصغير مكنش بيوصلها ويشحنها) لما بدأت اشحن طاقتي واعليها بدأت تجيلي افكار ايجابية لما عيشتها وطبقتها في حياتي في وقتها حسيت بمشاعر ايجابية و بدأت تظهر الفرص الحلوة والعلاقات الي تزودلي المشاعر الحلوة الي عندي دي وتزود سعادتي سعادة فالسر يكمن في نفسك العميق ، لأنه هو طرف الخيط
التأمل
طبعا في أنواع كتير للتأمل بس الي انا جربته وجعلني اشحن طاقتي ببساطة اني بنقل تركيزي بدل ما طول اليوم افكار انقله علي النفس (الشهيق والزفير) عقلنا اتعود انه يفكر كتير وعامل زي الآلات مش بيوقف غير في النوم وفينا الي دماغه شغاله حتي وهو نايم لانه مبيفصلش فلو هنعرف التأمل في جملة واحدة (اني بنقل تركيزي للنفس شويه وهرجع تاني افكر في حاجة فارجعه تاني للنفس وهكذا.. ومع الممارسة مدة تركيزك علي النفس هتزيد وفي جملة جميلة قرأتها : حين يصمت العقل تتكلم الروح لما تهدي افكارك هتقدر تسمع صوت قلبك وروحك أوضح حدد خمس دقايق في اليوم بتكون هادي فيهم ويفضل يكونوا في اول اليوم قبل ما الشغل والحياة تاخدك خمس دقايق اول ما تصحي او في اي وقت تحبه وتعمل التأمل في اي وضعيه تريحك ويفضل ان الضهر يكون مستقيم
الأكل الصحي
يلخص في مقولة شهيرة من تعاليم » الأيورفيدا » وهي ((أنت ما تأكل)) يعني حسب أكلك انت بتحدد الأفكار الي هتجيلك ومشاعرك الي هتحسها ومستوى طاقتك وبالتالي واقعك الي بتعيشه ، أنصحك بالقراءة عن التعاليم القديمة دي الي تعود الي اكثر من الف سنة حيث تهتم بأهمية الغذاء في الحياة الصحية مثال انك تحاول تعمل أكلك بنفسك تقلل الاكل المعلب عشان المواد الحافظة فأكلك بيأثر علي أفكارك ومشاعرك وطاقتك وعلاقاتك كمان ، اه ممكن متكونش بتاخد بالك في وقتها لكن التأثير بيظهر ويوضح علي المدي البعيد تطبيقه ابحث عن خطورة السكر الابيض والمياة الغازية وكثرة تناول اللحوم وتأثيرهم علي طاقة وخلايا جسمك استبدلت السكر الصناعي بالسكر الطبيعي الي في الفواكة والمياة الغازية بالعصائر الفريش والمياة ربنا يديمها نعمة و اللحوم قللت منها وباكل كل حاجة خلقها ربنا والمفاجأة إن لما تقلل أكل اللحوم هتلاقي جسمك أصبح مرن عاوز تخس هتخس بسهولة عاوز تزيد هتزيد بسهولة وأنا لي تجربة في الوزن لما حبيت اخس خسيت وبعدها حبيت ازيد وزدت هتكلم عنها في بوست تاني.. فدول تلات حجات تقدر تبدأ بيهم في الأكل الصحي
الرياضة
أي نشاط رياضي بيطلع الطاقة السلبية من الجسم ويدخل مكانها طاقة إيجابية والي بيروح الجيم او اي لعبة عارف كدا الوعي السليم في الجسم السليم ولو صعب عليك حالياً تقدر تجري او تتمشى نص ساعة يوميا او تلعب يوجا اي حاجة المهم تبدأ باسهل حاجة تقدر تعملها واليوجا مفيدة جداً عن تجربة شخصية
التركيز على الايجابي
في جملة سمعتها من د.أحمد عمارة(( الطاقة حيث التركيز)) يعني الي هتركز عليه هتاخد طاقتك منه ، لو تركيزك علي الظلم والفساد والأخبار السلبية الحزينة والفضايح وإصدار الأحكام والنظرة السلبية في كل شئ في حياتك وبتشتكي دايما ابقي قابلني لو بقيت مبسوط في حياتك اه مش كل حاجة حلوة ، لكن خد الحلو من كل حاجة دور علي الفرصة في عز الازمة اهتم بالستر بدل الفضح لو هتتابع اخبار دور علي الاخبار الحلوة الي فيها خير ونافعة لأن في الاخر الحياة فيها الاتنين الخير والشر الايجابي والسلبي والي هتركز عليه هيزيد في حياتك وهتاخد من طاقته شوف انت عاوز تاخد طاقة نوعها ايه
الاصدقاء الايجابيين
كل ما هيكون اصدقائك ايجابيين كل ما هتشحنوا بعض , فمهم يكون عندك اصدقاء جيدين لو معندكش. ولو عندك علاقة واحدة حلوة اشكر ربنا عليها وركز عليها وهتزيد علاقاتك الحلوة لو معندكش طور من نفسك واشحن طاقتك هتجذب الصديق الي طاقته عالية زيك.. ولو طاقتك منخفضه انت عارف نوعية صحابك هتبقي عامله ايه
الطقوس الدينية
الصلاة انك تتصل بربنا ايا كان دينك وطريقة صلاتك ، المهم النتيجة انك تتواصل مع ربنا وتحس بوجوده معاك فتشحن طاقتك من نوره ، والصيام بانك تصوم وقت معين عن الاكل والشرب عشان تشحن طاقة مباشرة من ربنا. لان بعد ما بنأكل ونشرب ، الغذاء بيتهضم والعناصر المفيدة بتروح لأماكنها المناسبه كطاقة (آخر صورة للأكل والشرب تصل للخلايا) وطبعا الفضلات عارفه طريقها ، فلما نشحن طاقة في الصيام الطاقة دي هي آخر صورة الي بتفيد الخلايا.. طاقة نقية ومهم تعرف ان الطاقة مرتبطة بالمشاعر يعني من الاخر لو بتعمل حاجة غصب عنك اعرف انك مستفدتش
==================================
ملحوظة
لما يكون شخص بيطور من وعيه ووصل لمرحلة متطورة في الوعي وفي نفس الوقت طاقته منخفضه ومش بيشحن طاقته هيتخنق ويتعذب بالوعي دا ، لإن كل ما يزيد وعيك كل ما بيحتاج طاقة يتسند عليها ، طاقة تخليه يعيش الوعي دا في الحياة ، فممكن يكون وعيك عالي وعندك أفكار عاوز تحققها ويتوقف تحقيقها علي مستوي طاقتك لإن الوعي والطاقة بيكملوا بعض لو حد بيزود وعيه بس طاقته منخفضة هيضايق وهيحس انه معندوش طاقة يعمل أي حاجة مع إن عنده أفكار حلوة كتير ولو حد طاقته عالية بس وعيه منخفض هيوجه الطاقة دي لأماكن سلبية وعادات سلبية فكل ما تزود وعيك تشحن طاقتك وتطبق الوعي دا في الواقع
لعبة_العلاقات محمد_أيمن
1 réflexion sur “كيف تشحن طاقتك بسبع خطوات عملية ؟”
الطاقة حيث التركيز جملة لصلاح الراشد